Umalma ang mga may-ari ng karinderya sa panibagong taas-presyo sa liquefied petroleum gas (LPG), na ipinatupad kahapon.
Sa pangunguna ng Petron, nagtaas ito ng P1.75 sa kada kilo ng Gasul at Fiesta Gas, o katumbas ng P19.25 na dagdag-presyo sa bawat 11-kilogram na tangke ng LPG nito.
Bukod pa rito ang P1.00 taas-presyo sa kada litro ng Xtend Auto-LPG, na ginagamit sa mga taxi.
Ang bagong dagdag-presyo sa cooking gas ay bunsod ng pagtaas ng presyuhan at demand ng LPG sa pandaigdigang pamilihan.
Samantala, hindi naman napigilan ng mga may-ari ng karinderya na pumalag sa LPG hike dahil todo-higpit na umano sila sa pagtitipid dahil tumaas pa ang presyo ng pangunahing bilihin kabilang ang mga gulay, isda, karne at iba pang sangkap sa pagluluto.
#WalangPasok: Class suspensions para sa Huwebes, Agosto 6
Sa kabilang banda, tiniyak naman ng Department of Energy (DoE) na nakaantabay ito sa presyo ng langis sa pandaigdigang merkado.
-Bella Gamotea
