Ang cover—depende sa tumitingin—ay maaaring glamoroso o kaya naman ay bulgar o malaswa. Ang litrato ay kinunan nina fashion photographers Mert Alaş at Marcus Piggott. Nag-pose si Nicki nang nakakaakit, suot ang Egyptian-style getup, gamit ang striking orange background. Walang suot na damit si Nicki kundi ang mga adornong kuwintas at crystal pasties na tumatakip sa maseselang bahagi ng kanyang katawan.
At siyempre pa, nakatanggap ng sangkatutak at iba’t ibang opinyon ang sexy photo sa social media, karamihan sa mga ito ay mula sa kanyang fans, na hangang-hanga sa larawan.
Ire-release ang Queen sa Agosto 8 at ito ang unang album na ilalabas ni Nicki kasunod ng critically acclaimed The Pinkprint noong 2014. Ipinagmamalaki naman ng rapper na ang Queen ang kanyang “greatest work to date.”
