FOLLOW-UP ito sa nasulat namin dito sa Balita kahapon tungkol sa bading scene ni Joshua Garcia sa I Love You, Hater! na patok sa supporters nila ni Julia Barretto, dahil mainit na pinag-uusapan ito sa Twitter, na naka-tag ulit ako.
Naikumpara pa ang aktor sa nasirang Rico Yan. At nung muli naming pinanood ay na-realize naming na oo nga, kamukha nga ni Joshua si Rico!
Comment ni @BlackRoss21: “Nagbasa rin ako ng comment sa YT teaser ng I Love you, Hater!, marami ang nagsasabi na kamukha ni Joshua si Rico Yan sa movie na ito. Hindi rin ako nagtataka kasi dati ko rin napansin lalo na kapag same hairstyle.”
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
At sinang-ayunan naman ito ng iba pang supporters ng JoshLia, na ilang beses nag-retweet.
Dati ay kay John Lloyd Cruz ikinukumpara si Joshua, mula sa istilo ng buhok, pag-arte, at itsura kaya may ilang nagsabing ‘copycat’ ng batang aktor si JLC.
Mabuti naman at nakakawala na si Joshua sa imahe ni John Lloyd, pero napunta naman ngayon kay Rico, na ang ibig sabihin ay nababago na. Sana eventually ay magkaroon na siya ng sarili niyang image.
Pero sa totoo lang, ang guwapo talaga ni Joshua sa I Love You, Hater!
-REGGEE BONOAN
