Binalaan kahapon ng grupong Alliance of Concerned Teachers (ACT) ang mga magulang at estudyante dahil sa inaasahang pagtaas ng presyo ng school supplies at iba pang pangunahing pangangailangan sa paaralan.
“Teachers, parents and students now reel in hardship as TRAIN [Tax Reform for Acceleration and Inclusion] Law caused spike in prices of supplies needed for the national school opening in June 4,” pahayag ng grupo.
Sa isang pahayag, sinabi ni ACT National Chairperson Benjamin Valbuena na, “teachers are twice hit by the price hikes in school supplies as majority are parents who need to provide for the school needs of their children while they are also forced to expend their own money to prepare their classrooms for the school opening.”
Dismayado rin ang grupo dahil wala pang nangyayaring substantial salary increase na mapapakinabangan sana nila sa pag-angat ng kanilang economic condition, sa gitna ng tumataas na presyo ng pangunahing bilihin at iba pang serbisyo sa lipunan.
Romina, patuloy na kumikilos pahilaga; hindi na nakaaapekto sa Kalayaan Islands
“Panawagan namin na maisama sa mismong proposal ng budget ng DepEd ang bawat pangangailangan naming mga guro,” sabi naman ni ACT National Capital Region (NCR) Union President Joselyn Fegalan.
-Merlina Hernando-Malipot
