MAY ilang supporters sina Julia Barretto at Joshua Garcia na nagtanong sa amin kung kailan ipapalabas ang I Love You, Hater movie nila with Kris Aquino. Excited sila sa ikatlong pelikulang ito ng JoshLia.
Nabanggit namin na sa June, na nalaman namin mula sa kakilala namin sa Star Cinema, at ito ang isusunod sa Kasal nina Bea Alonzo, Paulo Avelino at Derek Ramsay na second week na ngayon sa mga sinehan.
Pero mukhang malabong matuloy ang June playdate dahil nagso-shooting pa rin ang JoshLia at nasa kalahati pa lang sila.
Carlos Yulo, wala pa raw naibibigay na tulong sa pamilya kahit palihim na abot?
Kaya ang isusunod ng Star Cinema ay ang Ang Misyon: The Marawi Siege ngayong Mayo 30.
Samantala, successful ang fans day ng JoshLia sa Vertis Tent, Vertis North nitong weekend, marami ang dumalo considering na hindi pa sila nakapag-promote dahil abala sila sa shooting ng I Love You, Hater.
Pero hindi lang ang JoshLia ang may fans day, kasama rin ang MayWard (Maymay Entrata-Edward Barber) at LizQuen (Liza Soberano-Enrique Gil).
“Pinakaraming fans na dumating ang MayWard kasi panay ang promote nila, kokonti ang dumating sa LizQuen. Kasi busy sila siguro sa Bagani kaya hindi nakakapag-promote,” kuwento ng kakilala naming nakadalo sa event.
Itinanong namin ang KathNiel supporters na alam naming marami at hindi nila palalampasin ito, “Hindi ganu’n karami,” kaswal na sabi sa amin.
Anyway, nangako naman ang JoshLia na suportado nila ang I Love You, Hater kapag ipinalabas na ito.
–Reggee Bonoan
