Naaresto ang isang senior citizen sa umano’y pagtutulak sa kanilang lugar, sa buy-bust operation ng mga pulis sa Valenzuela City, nitong Linggo ng gabi.
Sa report ni Chief Insp. Jowilouie B. Bilaro, hepe ng Station Drug Enforcement Unit (SDEU), paglabag sa Sections 5 at 11 ng Article 11 ng Comprehensive Dangerous Drugs Act (RA 9165) ang kinakaharap ni Federico Ruiz, 62, ng Pinalagad, Barangay Malinta, ng nasabing lungsod.
Sa imbestigasyon ni SPO1 Jerry Terte, bandang 10:00 ng gabi nang ikinasa ng mga tauhan ng SDEU ang buy-bust operation para arestuhin si Ruiz, na ilang linggo nang paksa ng surveillance.
Pinosasan ang matanda nang iabot umano sa pulis na poseur buyer ang hinihinalang shabu.
50.78% examinees, pasado sa Nov. 2024 Licensure Exam for Agriculturists
Nakuha umano mula kay Ruiz ang dalawang plastic sachet na may hinihinalang shabu at P500 marked money.
-Orly L. Barcala
