Ni Nitz Miralles
BALIK-TRABAHO na si Claudine Barretto na sa Viva Films movie muna unang mapapanood, saka na siguro sa teleserye.
Nakipag-meeting na si Claudine sa Viva Films kasama sina Mr. Vic del Rosario at Sigrid Andrea P. Bernardo na magdidirehe ng pelikula niya at Direk Perci Intalan ng The Idea First na management company ni Direk Sigrid.
JC De Vera, na-offend sa 'biro' ni Alex Gonzaga
Ipinost ni Claudine ang photo nilang apat at nilagyan ng caption na, “Palanggas, I’m ready & excited with my movie with Direk @sigridandreapbernardo. Will be shooting the movie in France by July this is it my PALANGGAS I’M SO Ready! Are YOU ALL READY & EXCITED MY CLAUDINIANS #blessesbeyondwords im so excited to work with the very TALENTED DIRECTOR, not to mention she looks like an artista, di ba, Direk Sigrid?”
Ang payat na ni Claudine, ready na nga siyang magtrabaho at humarap sa camera. Ang sunod nating hihintayin ay kung sino ang leading man niya at ang iba pang makakasama sa pelikula.
Napansin namin na isa sa mga nag-congratulate kay Claudine si Tina Marie Yan, kapatid ng namayapang si Rico Yan. Sabi ni Tina, very proud siya kay Claudine na sinagot ng aktres ng, “Come with me to France, Tinee. It will be so nice there.”
