Ni Nitz Miralles
OFFICIAL Kapuso na si John Estrada dahil pumirma na siya ng exclusive contract sa GMA Network nitong Miyerkules, May 2.
Present sa contract signing ni John sina GMA Senior Vice President for Entertainment Content Group Lilybeth G. Rasonable, GMA VP for Drama Productions Redgie Acuῆa-Magno, GMA VP for Corporate Affairs and Communications Angela Javier Cruz, GMA Assistant VP for Drama Productions Cheryl Ching Sy at Program Manager Benita S. Matilac.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
“I feel so welcome and at the same time excited,” pahayag ni John. “Well, it’s a fact naman that I love challenges, di ba? And as you mature, siyempre mas marami kang gustong patunayan sa sarili mo. At dito sa GMA, mas interesting ‘yung mix of content. At of course, bagay sa’kin yung versatility na ino-offer nila.”
Bago pa man pumirma ng exclusive contract, nag-guest na si John sa Celebrity Bluff bilang master bluffer. Nabalita na rin kung saang teleserye siya mapapasama.
“Itong first project ko, dito ako medyo sobrang excited dahil napakaganda. If I am not mistaken, this is the biggest project of GMA this year. ‘Yung revelation nito dapat perfect timing kasi nga malaking project ito and I am really looking forward to that. I just want to say that it’s all worth the wait.”
Bukod sa gagawing teleserye, looking forward din si John na makatrabaho ang anak na si Inah de Belen at ibang Kapuso stars.
“I’m looking forward to work with my daughter, Inah. And of course, I am a good friend of Dingdong (Dantes) and Marian (Rivera). It’s my dream to work with them. Of course, marami pang Kapuso talents na napapanood ko na magagaling talaga.”
