Ni NORA V. CALDERON
NAKAKATUWA ang fans ni Glaiza de Castro dahil tutok sila sa afternoon prime drama series ng actress, ang Contessa na mapapanood after Eat Bulaga, Monday to Saturday. Matapos kasing magtiis sa katakut-takot na hirap si Bea (Glaiza) sa kamay ng mga Imperial, na sina Charito (Chanda Romero), Daniella (Lauren Young) at Vito (Gabby Eigenmann), ipinalabas na namatay siya sa tulong ni Guada (Tetchie Agbayani) at pagkatapos ay nagbalik si Bea sa bago niyang katauhan bilang si Contessa.
Sa paglabas ni Contessa na kunwari ay galing pa sa Europe, guguluhin niya ang buhay ng mga Imperial, na paranoid na agad sila sa pag-iimbita pa lamang ng mga tao ni Contessa, sa formal niyang pagharap sa mga madla.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Naghihinala sila na si Contessa at Bea ay iisa, pero sabi nga ni Contessa, hindi lamang niya patatahimikin ang mga isip ng mag-anak na Imperial, isasakatuparan din niya ang kanyang paghihiganti sa pagkamatay ng asawang si Marco (Mark Herras) at inang si Linda (Tanya Gomez).
Pero sa paglabas nga ni Contessa, may apela ang fans at netizens, na sumusubaybay sa serye. Gusto nilang mas bongga pa ang outfits for Glaiza. Kahit daw ang hairstyle niya ay iba-ibahin din dahil nga ang pakilala niya ay super-yaman siya kaya nga makikisosyo siya sa publication business ng mga Imperial, bukod pa sa sarili niyang businesses.
Sa ngayon daw kasi ay simple lamang ang outfits na isinusuot ni Contessa at hindi siya halatang mayaman talaga, kaya sana raw sa mga susunod na araw, mas marami pang magaganda at sexy outfits na ipasusuot ang production sa kanya.
May katwiran ang mga fans at netizens, kaya sana nga ay i-consider ng production at ni Direk Albert Langitaan ang request nila.
