Ni REGGEE BONOAN
PAGKALIPAS ng dalawang taong relasyon, niyaya ni Direk Quark Henares si Bianca Yuzon para magpakasal.
Kakaiba ang ginawa ni Direk Quark sa marriage proposal kay Bianca. Habang kinukunan niya ng music video ang singer girlfriend sa DPIXL Studio sa Makati ay biglang bumagsak ang telang itim sa likod at may nakalagay na ‘I Love You, Bianca. Will You Marry Me… love Quark.’
'Dami pong sideline!' BINI Jhoanna, sumabak bilang docuseries intern
Napalingon at nagulat sa nabasa si Bianca habang kumakanta at hindi malaman ang gagawin. Pagbaling ulit niya sa harap ay nakita na niyang nakaluhod si Direk Quark na tawa nang tawa at saka inilabas ang diamond ring na minana pa mula sa Lola Nena Belo (nanay ni Dra. Vicki Belo-Kho).
Naka-chat namin kahapon si Direk Quark habang sinusulat namin ito at tinanong kung bakit Abril 6 ang napili niyang petsa para mag-propose.
“Wala lang. May music video shoot siya so, we kept trying to find a good date for the shoot + popping the question. Two years na kami officially next month,” sagot ng masayahing direktor.
Batay sa dating panayam ng ABS-CBN kay Direk Quark, nagkakilala sila noong 2015 habang ginagawa niya ang pelikulang Keka, Rak en Roll at My Candidate.
“Blue hair. That, to me, was really cute. And the nicest eyes. She was a bit awkward, which I loved. I think it came to a point when we first talked that it was just the two of us and we had been talking for an hour. And people around us started noticing and giving looks. We both got conscious and parted, but eventually found a way to hang out a little more,” kuwento ni Direk Quark.
Sabi naman niya sa one-on-one interview naman namin sa kanya sa media launch ng My Candidate noon, “I think, magkakaroon na ako ng dyowa, finally, ha-ha-ha-ha! Hindi ko pa ire-reveal ang name, saka na, baka ma-preempt. What I like in her is pareho kami ng trip, weird din tulad ko ha,-ha-ha-ha-ha.”
Lagi kasi namin siyang kinukulit tuwing nagkikita kami kung kailan siya mag-aasawa dahil siya na lang ang single sa pamilya nila. Ang laging sagot niya sa amin, “Huwag kang mag-aalala, darating din tayo d’yan, wait lang tayo.”
At heto na nga, natagpuan na sa wakas ng panganay nina Dra. Vicki at Atom Henares ang kanyang ‘the one.’
Samantala, kumpleto ang pamilya ni Bianca at ni Quark sa proposal.
May mga kuha ang kapatid ni Direk Quark na si Cristalle Henares- Pitt na nagkuwento rin nang i-post ito sa Instagram.
“Something special just happened! But first, briefing! (Caption sa photo na nagbibigay ng instructions si Direk Quark).
“So we are all in the holding room beside the studio where @biancayuzon is shooting a music video and @quarkhenares is the director!
“All of a sudden the backdrop drops and reveals neon lights, asking her to marry @quarkhenares.
“Confetti comes popping out when @ biancayuzon says Yes! And the doors open to reveal all the family and friends.
“The diamond from my late grandma Nena Belo! So happy it ended up in your finger @ biancayuzon.
“I love you guys so much! Seriously, such a perfect match!”
Nag-post din si Dra. Vicki sa kanyang IG account ng, “I was in the room with @ quarkhenares and @ biancayuzon during the proposal. This one was showing in the waiting room where most of the couple’s family and friends were staying.
We’re so happy for our dearest @quarkhenares (litratong magkasama sina dra. Vicki at Atom).
“Welcoming Bianca and her family to our ever-growing family. Such a perfect match.”
Tinanong namin si direk Quark kung kailan ang kasal nila ni Bianca.
“Wala pang date! probably early 2019.”
Sa kasalukuyan ay abala pa rin si Direk Quark bilang head ng Globe Studios.
