Ni JIMI ESCALA

NAGWAGING best actress at best actor si Iza Calzado at si Raymond Francisco sa katatapos na 34th PMPC Star Awards for Movies na ginanap sa Newport Performing Arts ng Resorts World Manila nitong Linggo, Pebrero 18 at ipapalabas sa ABS-CBN sa darating na Linggo, 10:45 ng umaga bago mag-ASAP.

Nanalo si Iza para sa pelikula niyang Bliss at si Raymond naman para sa kanyang pelikulang Boy Intsik. Parehong first time manalo sina Iza at Raymond sa PMPC Star Awards.

Tsika at Intriga

Jude Bacalso, nanindigang valid complaint pagtawag ng 'Sir' sa kaniya ng waiter

First timer din sa pagtanggap ng award sa buong 50 years niya sa showbiz ang character actress na si Odette Khan.

Ayon kay Odette nang makausap namin pagkatapos ng awards night, una siyang naging nominado sa Famas pero ngayon lang daw niya narananasang manalo ng acting award.

Bar Boys ang pelikung nagpanalo kay Odette at nagwagi namang best supporting actor si Arnold Reyes para sa pelikulang Birdshot. Ayon kay Arnold, na devotee ni Sto.Niño, nakakadalawang award na siya dahil sa nabanggit niyang movie.

Ang pelikula namang Changing Partners ni Direk Dan Villegtas ang nagwaging Indie Movie of the Year at ang Kitang Kita ni Sigrid Bernardo ang Movie of the Year. Siyemepre, sina Direk Dan at Direk Sigrid ang nanalong Best Directors.

Ginawaran naman ng PMPC ng Lifetime Achievement Award sina Gina Alajar at si Direk Tikoy Aguiluz naman ang Ulirang Alagad ng Pelikula sa Likod ng Kamera.

Punung-puno ang Resorts World Manila at marami ang humanga sa line up ng guests at production numbers at siyempre sa nagsilbing host ng awards night na sina Judy Ann Santos, Xian Lim, Julia Barretto, Kim Chiu, Enchong Dee at Iza Calzado.

Pero how true ang nakarating sa amin na kahit isa sa pinakabonggang awards night ang 34th Star Awards for Movies ay hindi raw masaya ang producer ng show. Nagdayalog raw kasi si Ms. Tess Celestino-Howard na hindi nagustuhan ng ilang reporters na nakarinig.

Narito ang kumpletong listahan ng mga nanalo sa 34th Star Awards for Movies:

Best Indie Movie Musical Score -- Vincent . de Jesus (Changing Partners)

Best Movie Musical Score of the Year -- Ryan Cayabyab (Ang Larawan)

Indie Movie Sound Engineer of the Year -- Mico Quizon (Bliss)

Indie Movie Original Score of the Year -- Abra and Loonie (Respeto)

Movie Original Theme Song of the Year -- Natapos Tayo (All of You)

Movie Sound Engineer of the Year -- Albert Michael Idioma (Ghost Bride)

Best Indie Movie Production Design – Michael Espanol (Birdshot)

Movie Production Design of the Year -- Benjamin Tabije (Siargao)

Indie Movie Cinematographer of the Year -- Mycko David (Birdshot)

Movie Cinematographer of the Year -- Odyssey Flores (Siargao)

Movie Child Actor of the Year -- Marco Masa (Tatlong Bibe) at Julio Sabenorio (Guerrero)

Indie Movie Editor of the Year -- Marya Ignacio (Changing Partners)

Movie Editor of the Year -- Marya Ignacio (Kita Kita)

Indie Movie Screenwriter of the Year -- Vincent de Jesus at Lilit Reyes (Changing Partners)

Movie Screenwriter of the Year -- Sigrid Bernardo (Kita-Kita)

New Movie Actor of the Year (tie) -- Mccoy de Leon (Instalado) at Mateo San Juan (Magkadugo)

New Movie Actress of the Year -- Pia Wurtzbach (Gandarrapido: The Revenger Squad) at Joanna Ampil (Ang Larawan)

Movie Supporting Actor of the Year -- Arnold Reyes (Birdshot)

Movie Supporting Actress of the Year – Odette Khan (Bar Boys)

Ulirang Alagad ng Pelikula (Nora Aunor Foundation) -- Gina Alajar

Ulirang Alagad ng Pelikula sa Likod ng Kamera – Tikoy Aguiluz

Darling of the Press -- Harlene Bautista

Movie Love Team of the Year – JoshLia (Love You To The Stars and Back)

Male Star of the Night -- Xian Lim

Female Star of the Night -- Kim Chiu at Joyce Pilarsky

Male Face of the Night -- Joshua Garcia

Female Face of the Night -- Celeste Legaspi

Indie Movie Director of the Year -- Dan Villegas (Changing Partners)

Director of the Year -- Sigrid Bernardo (Kita Kita)

Indie Movie of the Year -- Changing Partners (Cinema One)

Movie of the Year – Kita Kita (Spring Films)

Movie Actor of the Year -- Raymond Francisco (Bhoy Intsik)

Movie Actress of the Year -- Iza Calzado