Ni REGGEE BONOAN

INAMIN ni Direk Dan Villegas na nahirapan siyang idirek ang All of You dahil sume-segue siya sa seryeng Ikaw Lang Ang Iibigin nina Gerald Anderson, Kim Chiu na magtatapos na sa Enero.

“Medyo hirap nga po ako, kasi ‘yung experience of making the film, kasi ‘yung English Only, second film ko na ‘yun so naninibago pa ako, ‘tapos ‘yung Walang Forever parang kabuuan.

“Kaya challenging itong All of You ‘tapos ako rin ang nagsulat. ‘Pag napanood mo ang hirap i-balance ‘yung relationship, gusto naming ipakita na wala namang masama sa dalawang taong magkarelasyon,” kuwento ng direktor nina Derek Ramsay at Jennylyn Mercado.

Relasyon at Hiwalayan

Pagpapakasal dahil lang sa anak, 'di bet ni Janella Salvador

Hawig ba ito sa ilang taon na ring relasyon nila ni Direk Antoinette Jadaone?

“Hindi po, malayo po,” mabilis niyang sagot.

Pero ang sabi naman ng Quantum Films producer na si Atty. Joji Alonso ay mas maganda ang pelikulang ito nina Jennylyn at Derek kumpara sa English Only, Please.

“Hindi ko po alam, kasi ako kapag nagdya-judge ako ng film na gawa ng grupo namin, hindi ko ihiwalay sa iba. Parang from concept (conceptualization), to shooting, to post,” sabi ng direktor.

Ang English Only, Please pa rin ang paborito ni Direk Dan sa tatlong pelikulang naidirihe niya (mas madalas siyang director of photography).

Sumakto raw na magtatapos na ang Ikaw Lang Ang Iibigin at natapos na rin itong All of You dahil uumpisahan na niya ang Pedro Penduko (ni James Reid) as direktor, pero, “I’m producing the JaDine movie of Tonette under Viva Films.

“Kami po ni Tonette ang magkasama sa JaDine movie, ako producer siya (Tonette) ang direktor, so pahinga po muna ako sa soap,” saad ng direktor na simula nang makilala namin hindi nagbabago ang malumanay na pagsasalita.

For nth time, tinanong namin si Direk Dan kung kailan naman siya magpo-propose kay Direk Tonette.