HINDI lang mahusay na singer at actress sina Vina Morales at Shaina Magdayao, mahusay rin silang magpatakbo ng negosyo.
Noong Agosto 8, 1999, itinayo nina Vina at Sheila Magdayao-Moreno ang kanilang Ystilo Salon sa Fairview, Quezon City.
Ang kanilang vision “is to provide excellent customer service in every Filipino community worldwide” at “to be the leader in the salon industry by providing the trendiest and updated hairstyles, providing reasonably priced products and offer excellent customer service.”
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Pagkaraan ng labing-siyam na taon, isa na sa mga sikat na beauty centers ang Ystilo Salon at matatagpuan na ito sa mula SM MOA, Shoppesville Greenhills, SM City Fairview, SM City San Lazaro, Festival Mall Alabang hanggang sa mga probinsiya dahil mayroon na rin silang branches sa Nepo Mall Dagupan, Tanauan City, SM City Tarlac, SM City Calamba, Robinson’s Place Lipa, Abreeza Mall Davao, Iba Zambales, Angeles Pampanga, SM City Sta Rosa, Limketkai CDO, Balanga Bataan, Mall of Alnor Cotabato City, Waltermart San Fernando, Pampanga, Vistamall Molinao Bacoor Cavite, Tuguegarao City, Island CityMall Bohol. At may magsisipagbukas pang Ystilo Salon branches sa SM GenSan, CityMall Koronadal, Robinson’s Place Iloilo Jaro, at Manaoag.
Napangatawanan at lalo pa nilang pinagbubuti ang kanilang mahusay na customer service, laging nakasunod sa latest trend sa haircut at style, make-up, skin at nail care kaya pabalik-balik sa kanila ang mga kustomer at nagkukuwento sa kani-kanilang mga kaibigan.
Bilang pasasalamat sa patuloy na suporta at loyalty ng kanilang customers, simula Setyembre 8 hanggang 30 ay magbibigay ng big discounts ang Ystilo Salon: 50% off sa premium services at air treatment tulad ng hair rebond, hair color, kera glaze, aroma hair, remedy/ultrasonic iron at Keratin treatment.
Kasabay ng tuluy-tuloy na paglago ng negosyo ng Magdayao sisters ang maraming awards at pagkilalang iginawad sa kanila tulad ng Most Outstanding Spanish Saloon 2017, Star Brand, Philippine Social Media Awards 2015, Trusted Beauty Salon (National) ng Entrepreneur for Beauty and Salon Industry, Outstanding Entrepreneurial Achievement Award ng Excellent Customer Service 2015, BPI KaNegosyo Awardee, Best List Accredited Franchise Brand, Franchise Awards 2010: Fastest Growing Franchise, Franchise Awards 2009: Best Local (Homegrown) Franchise, at Franchise Awards 2009: Most Promising Franchise.
