Ni: Nitz Miralles

MINASAMA ng isang follower ni Sharon Cuneta sa social media ang post ng pasasalamat niya dahil pinanood ni Robin Padilla ang kanyang first Cinemalaya film na Ang Pamilyang Hindi Lumuluha.

Ini-repost ni Sharon ang picture ni Robin na nasa tabi ng poster at ng comment nito sa movie, nagpasalamat si Sharon, at sabi, “Thank you to my forever friend Robin Padilla for watching and posting his thoughts on our movie. Lagi ka talagang naaasahan. Ikaw LANG nga ang naaasahan ko, eh! Hahaha! Thanks again. Love always.”

Classic movie ‘Ipaglaban Mo!’, ipinalabas ng CCP bilang kampanya vs VAWC

Sinundan ‘yun ng pagpo-post ni Sharon ng pictures ni Robin at picture nilang dalawa at mahabang mensahe. Nagbalik-tanaw si Sharon sa kanilang nakaraan at pinagdaanan ng naging relasyon nila.

Ang ganda ng ending ng message ni Sharon na, “Isa sa pinakamatalik kong kaibigan na lagi kong mamahalin, at lam kong hanggang sa huling hininga mo mamahalin ako...” at “Utang na loob tigilan mo na ‘yung kakatawag sakin ng ‘Ma’am’ at muntik na tayo ikasal -- ampanget! Hahaha!”

May nag-react sa ipinost ni Sharon: “What is wrong with you? Isn’t he married? Aren’t you married? You need to see a therapist! You have serious insecurity issues. Sharon! You are fighting with your fellow coaches. Mind you this comment is not to insult you, we care. You mind end up with a nervous breakdown. Please see a therapist.”

Sagot ni Sharon, “We rare friends. Relax. Why don’t you try finding friends like we are? It’ll make u happier. Ikaw naglalagay ng malisya nakakahiya naman.”