Ni LITO T. MAÑAGO

BALIK-BROADWAY ang theater diva at The Voice PH resident coach na si Lea Salonga.

Kahapon, inilabas na sa Broadwayworld.com site ang listahan ng mga bituing magiging bahagi ng revival ng award-winning musical na Once On This Island na mapapanood sa Circle in the Square Theater sa New York City, USA.

LEA copy copy

Human-Interest
Asong malungkot din sa pagkamatay ng fur dad, dumurog sa puso ng netizens

Asong malungkot din sa pagkamatay ng fur dad, dumurog sa puso ng netizens

Makakasama ni Lea sa naturang musical sina Alex Newell (Glee), Merle Dandridge (Greenleaf), at Quentin Earl Darrington (Cats).

Ang producer na sina Ken Davenport at Hunter Arnold ang nagsagawa ng official announcement.

Gagampanan ni Lea ang karakter ni Erzulie, Goddess of Love, sa Once On This Island na magsisimulang mapanood sa December 3 ngayong taon.

Sa Twitter, ni-retweet ni Lea ang online news ng Broadwayworld.com at ang sabi lang niya, “I have been keeping this for months! So excited to be returning to Broadway this fall in one of my favorite shows!”

Huling napanood si Lea sa Broadway noong 2015 sa Allegiance with George Takei (Star Trek), Katie Rose Clark (Miss Saigon) at Telly Leung (Flower Drum Song).