NI: Marivic Awitan

Mga Laro Ngayon

(Ynares Sports Arena, Pasig)

3 n.h. -- Marinerong Pilipino vs Wangs Basketball

6 koponan nagbabalak ligwakin ang PVL; lilipat daw sa bagong liga?

5 n.h. -- Racal Motors vs Batangas

KAPWA nasa balag ng alanganin, magtatangka ang Racal Motors at Marinerong Pilipino na patatagin ang kampanya na makausad sa playoff round sa pagpapatuloy ng aksiyon sa 2017 PBA D-League Foundation Cup sa Ynares Sports Arena sa Pasig.

Magkasalo sa ikapitong posisyon taglay ang barahang 3-4, ang Skippers at ang Alibaba kasunod ng Wang’s Basketball na may limang panalo at apat na talo.

Matapos pumasok sa Finals noong nakaraang conference, nalagay sa alanganin ang sitwasyon ng Racal matapos matalo sa apat sa huling limang laro.

“Mahirap ‘yung kalagayan namin ngayon, pero one game at a time pa rin. Naniniwala naman kami na kaya pa rin naming humabol,” pahayag ni Racal coach Jerry Cofiñera na muling sasandig kina Rian Ayonayon, Gwynne Capacio, at Mac Tallo upang umabot sa top six.

Para naman sa Batangas , patuloy na naniniwala si coach Eric Gonzales na makakaahon ang koponan.