Ni: Ina Hernando-Malipot
Muli na namang nabiktima ng cyber attack ang website ng Department of Education (DepEd).
Nitong Hulyo 7 (Biyernes), hindi ma-access ang official website ng DepEd na, www.deped.gov.ph. Sa isang pahayag na ibinahagi sa official Facebook account, ipinaalam ng DepEd sa publiko—partikular na ang mga guro at personnel nito— na hindi pa rin ma-access ang website dahil sa cyber attack issues.
“Please be informed that the DepEd Website (www.deped.gov.ph) is currently unavailable due to cyberattacks from outside the Philippines,” pahayag ng DepEd nitong Biyernes. Sinabi ng DepEd na ang Globe Telecoms, ang Internet service provider nito, “has notified us of said attacks and are currently resolving the issue.”
Batikang journalist binaril sa loob ng bahay sa Aklan, patay!
Sa kabila ng pag-atake, siniguro ng DepEd na “all other DepEd information systems” gaya ng Learners Information System (LIS), Enhanced Basic Education Information System (EBEIS), Enterprise Human Resource Information System (EHRIS), Program Management Information System (PMIS), Learning Resources Management and Development System (LRMDS) at iba pa, “are unaffected by the cyberattacks and are fully operational.”
Simula kahapon, Hulyo 8, na-access na ang website ng DepEd. “After being down for a short period of time yesterday, the Department of Education website (www.deped.gov.ph) is now back online,” pahayag ng DepEd sa kanilang Facebook page.
Noong 2013, halos tatlong linggong isinara ang website ng DepEd dahil sa Distributed Denial of Service (DDOS) attack.
Pinakialaman ang website ng mga pinaniniwalaang nakikisimpatiya sa Taiwan kaugnay ng pagpatay sa isang mangingisdang Taiwanese sa Balintang Channel.
