ni Nitz Miralles
BAGO magsimulang mag-taping para sa Ika-6 Na Utos, nanood muna si Angelika dela Cruz at ang mister nito ng taping ng number one daytime show. Habang nanonood, na-realize niya na kaya gusto ng tao ang show dahil jologs. Hindi lang daw masyadong pansin ang kajologan ng show dahil sosyal ang treatment ni Direk Laurice Guillen.
Classic movie ‘Ipaglaban Mo!’, ipinalabas ng CCP bilang kampanya vs VAWC
Hindi nagsisi si Angelika na tapusin ang pagha-hibernate at tanggapin ang role ni Geneva dahil enjoy siya sa pagiging kontrabida. Masaya rin sa set at kahit drama ang show, magaan ang trabaho at maagang natatapos ang taping.
Samantala, hindi lang pumayat si Angelika sa pagiging vegan, naging normal din ang blood sugar niya at hindi na siya acidic. Magpa-five months na siyang hindi kumakain ng meat at hindi niya nami-miss ang lasa ng karne.
Sinilip nga namin ang baon niya sa taping, quinoa rice na puro gulay ang toppings. Sanay na siya at hindi na naghahanap ng meat at ibang nakasanayan niyang pagkain dati.
