Ni NORA CALDERON
NAGSIMULA i-conceptualize ang Meant To Be noong June 2016, ayon sa program manager na si Hazel Abonita. Bago natapos ang 2016, nagsimula nang mag-taping sina Barbie Forteza, Ken Chan, Jak Roberto, Ivan Dorschner at Addy Raz under Direk LA Madridejos. Ang pilot airing nito ay January 9, 2017 at bukas (Friday, June 23) na ang final episode nila sa hashtag na #MeantToBeTheKiligEnding.
Nahihirapan ang production staff kung sino kina Yuan (Ken), Andoy (Jak), Ethan (Ivan) at Jai (Addy) ang maging ka-meant to be ni Billie (Barbie). May kani-kanilang group of fans kasi na siyempre ang gustong makatuluyan ni Billie ay ang kanilang manok. Kaya naisip nilang pabotohin ang fans, at sa tulong ang writers ng rom-com, pipiliin ang makaka-meant to be ni Billy.
Higanting coral, naispatan; mas malaki pa raw sa blue whale?
May balitang magla-live sila sa grand finale, pero wala pang advice ang production kung tuloy.
This week, looking forward na ang buong cast sa isang grand vacation pagkatapos ng serye nila bukas. Isa-isa namin silang tinanong kung saan-saan sila magbabakasyon.
Barbie: “Magbabakasyon po ako sa ate ko na nasa Chicago. Mag-isa lang akong magta-travel na first time kong gagawin, pero gagawin ko po ito pagkatapos na ng 20th birthday ko sa July 31. Dito muna ako magpapahinga, wala rin naman akong offer na indie films ngayon, saka na ako bibiyahe.”
Ken: “Bibiyahe po ako sa iba-ibang lugar sa USA. Mahilig akong mag-travel mag-isa para mas marami akong mapuntahan.
Pero baka hindi rin ako magtagal dahil mayroon yata akong bagong project na gagawin, pero wala pa pong malinaw ngayon kung kailan magsisimula kaya sasamantalahin ko munang magbakasyon.”
Ivan: “Uuwi po ako sa amin sa Los Angeles, California. Nami-miss ko na ang family ko kasi matagal na akong hindi umuuwi sa amin. Siguro one month akong magbabakasyon at babalik din agad kung may tawag from the GMA Artist Center for another project.”
Jak: “Magta-travel din ako, o baka kasama ko ang sister ko, si Sanya. Hindi ko pa alam kung saan ako pupunta, pero gusto ko ring magbakasyon after ng trabaho ko sa Meant To Be na umalis muna ako sa Dear Uge at sa Sunday Pinasaya.
Hindi siguro ako lalayo dahil baka mag-report na rin ako agad sa dalawang shows.”
Hindi na namin nakausap si Addy na nang hanapin namin pagkatapos ng thanksgiving presscon, nakaalis na.
Direk LA: “Binigyan lang po ako ng GMA ng one week to rest after ng airing ng Meant To Be dahil kailangan ko nang simulan ang taping ng The Good Teacher ni Marian Rivera-Dantes, na naurong nang mag-extend pa kami ng ilang weeks dito.”
Huwag kalimutang subaybayan ang pagwawakas ng rom-com at alamin kung sino ang magiging ka-meant to be ni Billie sa apat niyang leading men.
