Ni: Nitz Miralles
PAMAMANHIKAN na pala ang nakita naming photos sa social media account ni Ai-Ai delas Alas na kuha nang magpunta sa bahay niya ang parents at ilang family member ng fiancé niyang si Gerald Sibayan.
Ang sabi lang ni Ai-Ai, “Meet the parents day” pero give away ang hashtag na #balae #manugang.”
May picture na kasama ni Ai-Ai ang kanyang ina at anak na si Sancho at si Gerald naman ay kasama ang mga magulang at may lawyers pa. Ang caption ni Ai-Ai sa picture na ito, “Family picture with our lawyers... GOD IS GREAT AMEN.”
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Dahil kasama ang kani-kanilang lawyers sa nangyaring pamamanhikan noong June 16, ang dating sa IG followers/fans ni Ai-Ai ay may prenuptial agreement sila ni Gerald.
Wala pang binabanggit na petsa ng kasal sina Ai-Ai at Gerald, pero ang nabanggit niya sa presscon ng hit movie niyang Our Mighty Yaya, baka this year na sila pakasal ni Gerald at hindi na next year na una nilang balak.
