PANIBAGONG yugto ng buhay ang hinaharap ngayon nina Gabriel (Gerald Anderson) at Bianca (Kim Chiu) nang piliin sila bilang tandem at endorser ng energy drink na Tigershark na pinagmamay-ari ni Carlos (Jake Cuenca), dahilan para lalo pang tumindi ang galit nito sa kanilang noontime series na Ikaw Lang ang Iibigin.
Unti-unti nang natutupad ang mga pangarap ng magkakabata at ngayon ay nakikilala nang triathletes sina Gabriel at Bianca sa pagkakataong ipinagkaloob sa kanila ni Roman (Michael de Mesa), ang ama ni Carlos na kumakatawan sa Tigershark. Matindi ang pagtutol ni Carlos, na iniisip na mas karapatdapat siya maging endorser ng sariling kumpanya.
Dahil dito, lalong iinit ang tapatan nila ni Gabriel at patutunayang wala itong lugar sa kanyang kumpanya at sa puso ni Bianca.
200 footprints ng dinosaur natagpuan sa England?
Kasabay ng tila lalo pang lumiliit nilang mundo ang patuloy na pagsuyo ni Rigor (Daniel Fernando) kay Victoria (Ayen Munji-Laurel) kaya lalo silang nanganganib na mahuli ni Roman. Pilit mang umiiwas, hindi inaasahang maririnig ni Carlos ang kanilang usapan at mabubulgar ang kanilang pinakatatagong sekreto --- na si Carlos ang tunay na anak ni Rigor kay Victoria.
Kaabangang-abang kung paano makaaapekto sa kanilang buhay ang rebelasyong ito. Ano ang gagawin ni Roman kapag nalaman niya ang panlolokong ginawa ni Victoria? Saan hahantong ang tapatan nina Gabriel at Carlos para kay Bianca?
Patuloy sa pamamayagpag ang Ikaw Lang Ang Iibigin sa national TV ratings sa naitalang national TV rating na 17.8%, kumpara sa katapat na Trops na nagtala lamang ng 8.6%, ayon sa datos ng Kantar Media nitong Martes (Hunyo 13).
