CALACA, Batangas – Nasawi ang isang motorcycle rider habang sugatan naman ang angkas niya matapos silang bumangga sa isang truck sa Calaca, Batangas, nitong Sabado ng madaling araw.
Namatay si Dennis Hernandez, 27, habang nilalapatan pa ng lunas ang angkas niyang si Jessica Mendoza.
Nasa kustodiya naman ng pulisya ang driver ng truck na si Ferdinand Campo, 37 anyos.
Ayon sa report ni PO3 Diosdado Hernandez Jr., dakong 12:30 ng umaga at binabagtas ng motorsiklo ang national highway sa Barangay 4 Poblacion, nang bumangga ito sa kaliwang bahagi ng trailer truck na biglang nag-U-turn. (Lyka Manalo)
Probinsya
