HINDI tinitigilan si Kris Aquino ng tanong ng kanyang followers sa Instagram kung kailan siya babalik sa limelight, sa ABS-CBN, at marami pang tanong.
Ang tanong tungkol sa pagbabalik sa ABS-CBN ang lagi niyang sinasagot.
Nang may follower uli siya na nag-comment na sana ay bumalik na siya sa Kapamilya Network dahil hindi na raw siya nanonood ng morning show ng network, ang bagong sagot ni Kris:
Pambato ng Pilipinas sa research competition sa Taiwan, waging first place
“Ayaw na nila sa akin -- but it’s cool. There’s always GMA-7.”
Hindi lang “GMA-7” talaga ang sagot niya kundi emoji ng rainbow at heart.
Parehong tumutukoy sa Kapuso Network ang dalawamg emojis.
Sa sagot na ito ni Kris, umasa na naman ang kanyang fans na darating ang araw, kung hindi na talaga siya babalik sa ABS-CBN, regular na siyang mapanood sa GMA-7.
Anyway, muling usap-usapan ang Hollywood movie na kabibilangan ni Kris simula nang i-post niya na magsisimula na ang shooting niya para sa said project sa June 27.
Bawal banggitin ang title pati role ni Kris sa Hollywod movie , pero nasulat na ang tungkol dito, pero dahil nakiusap na huwag munang isulat, sundin natin siya.
Mag-wish na lang tayo na maging maayos ang kanyang shooting at maging daan ang pelikula for more projects internationally. (NITZ MIRALLES)
