Biggest Tikanlu ng Tagudin, Ilocos Sur-Balita

Biggest Tikanlu ng Tagudin, Ilocos Sur

MULING ipinakita ng mga mamamayan ng Tagudin, Ilocos Sur, ang kanilang pagkakaisa, pagsalu-salo at suporta sa pagdiriwang ng kapistahan at ika-10 taon ng Tikanlu Festival, na nagsimula noong Abril 30 hanggang Mayo 6.

Ipinagmalaki ng guest of honor and speaker na si Department of Tourism Secretary Wanda Corazon Teo ang mga opisyales ng Tagudin sa matagumpay na pagbabalik ng Biggest Tikanlu (Tinungbo, kangkanen at lubi-lubi),na naging highlight sa kapistahan noong Mayo 2.

Pinasinayaan nina Secretary Teo at Mayor Roque Verzosa, Jr., kasama ang mga lokal na opisyal ang giant “kakanen” (glutinous rice cake) na may sukat na 10 metrong diameter, na gawa sa 15 sako ng malagkit na bigas na tig-50 kilos kada isa, 1500 niyog at 7.5 sako ng muscovado sugar. Niluto ito ng 50 katao at hinati-hati sa 4x4 inches at saka ipinamahagi at ipinatikim sa humigit-kumulang sa 10,000 katao na dumalo sa kapistahan.

Naniniwala si Sec.Teo na may potensiyal ang maliit na bayan ng Tagudin, na tinaguring “Gateway of Ilocos Region”, upang maging tourist destination sa mga susunod na taon at handa ang kanyang departamento na suportahan ang mga proyekto ng bayan para sa pag-unlad ng turismo rito.Hangad niya ang pagkakaisa ng mga Tagudinian at pagsuporta sa kanilang mga opisyales para makamit ang pag-unlad ng bawat isa.

Ang Tikanlu Festival ay naudlot ng tatlong taon,nang matapos ang tatlong termino ni Mayor Verzosa noong 2013. Sa pagbabalik ng festival na ito ay hangad naman ngayon ng kanyang mga kababayan na maitala ang Biggest Tikanlu sa World Record.

Ayon kay Verzosa, napakalaking hamon sa kanyang administrasyon ang pangarap ng kanyang mga kababayan na makapagtala sa Guiness Record.

“Walang imposible at isang karangalan kapag naitala sa world record ang Tikanlu, pero hindi ko kayang mag-isa ito, kailangan ko ang suporta ng aking mga kababayan.”

Masigasig ngayon ng municipal government sa pagsusulong ng mga proyekto para mapaunlad at maiangat ang ekonomiya ng bayan at mas mapalago ang selebrasyon ng Tikanlu Festival sa mga susunod na taon. (RIZALDY COMANDA)

[gallery ids="244776,244771,244770,244775,244774,244773,244772,244768"]

Kanlaon, nakapagtala ng 4 volcanic earthquakes – Phivolcs

Nakapagtala ang Bulkang Kanlaon sa Negros Island na apat na volcanic earthquakes sa nakalipas na 24 oras, ayon sa Philippine Institute of Volcanology and Seismology (Phivolcs) nitong Linggo, Marso 23.Base sa 24 oras na pagmamanman ng Phivolcs, nananatiling mataas ang aktibidad ng Kanlaon na nakataas pa rin sa Alert Level 3 (magmatic unrest).Nito lamang Sabado, Marso 22, naglabas ang bulkan ng...

3 weather systems, magpapaulan sa malaking bahagi ng PH – PAGASA

Inaasahang makararanas ng ilang mga pag-ulan ang malaking bahagi ng bansa ngayong Linggo, Marso 23, bunsod ng northeast monsoon o amihan, Intertropical Convergence Zone (ITCZ), at easterlies, ayon sa Philippine Atmospheric, Geophysical and Astronomical Services Administration (PAGASA).Base sa tala ng PAGASA kaninang 4:00 ng madaling araw, inaasahang magdadala ang ITCZ—na tumutukoy sa linya kung...

Sen. Imee, okay lang kahit di binanggit ni PBBM sa campaign rally; tutok kay FPRRD

Wala raw problema kay Senador Imee Marcos kahit hindi siya binanggit ng kaniyang kapatid na si Pangulong Bongbong Marcos sa campaign rally ng Alyansa Para sa Bagong Pilipinas slate sa Trece Martires, Cavite, noong Biyernes, Marso 21.MAKI-BALITA: PBBM, 'di binanggit pangalan ni Sen. Imee sa campaign rally ng AlyansaNangyari ito matapos pangunahan ni Sen. Imee ang pag-imbestiga sa pag-aresto...