CONCEPCION, Tarlac – Anim na katao ang duguang isinugod sa Concepcion District Hospital matapos na magkabanggaan ang isang motorsiklo at isang tricycle sa Barangay Sta. Rita, Concepcion, Tarlac, nitong Sabado ng gabi.
Nasugatan sa iba't ibang parte ng katawan sina Jonal Mercado, 37, magsasaka, driver ng Honda Wave 125 motorized tricycle (OA-1823); Jesusa Mercado, 36; Joshua Mercado, 13; John Kenneth Mercado, 12; at Jonal Mercado, Jr., isang taong gulang, pawang taga-Bgy. Calius Gueco, Concepcion.
Sugatan din ang rider ng Honda XRM motorcycle (AC-24338) na si Christian Kenneth Lapid, 15, ng Sitio Macabacle, Bgy. San Francisco, Concepcion, Tarlac.
Sa inisyal na pagsisiyasat ni PO2 Manuel Aguilar, Jr., bandang 9:30 ng gabi nitong Sabado nang mangyari ang aksidente. (Leandro Alborote0
