VIVA Entertainment talent si Meg Imperial at open siyang lumabas kahit saang network. Kaya from TV5, nakagawa na rin siya ng projects sa ABS-CBN at huli siyang napanood sa FPJ’s Ang Probinsyano.

Ngayon ay nasa Kapuso Network na siya at first project niya ang sexy drama-comedy series na D’Originals.

Pipirma ba siya ng contract sa GMA Network?

Human-Interest

Netizen, ayaw na magbigay ng regalo sa pamilya niyang hindi marunong mag-appreciate

“Per project po ang contract ko sa GMA,” sagot ni Meg. “It will depend po sa Viva, kung ano ang magiging desisyon nila, open po naman ako kung ano ang ipagawa nila sa akin. Masaya po ako na narito naman ako sa GMA. Natuwa po ako nang mag-open sa akin ang opportunity na makapagtrabaho naman dito.

“Natuwa po ako nang kausapin ako ni Direk Adolf Alix, kung p’wede akong makasali sa bago niyang project sa GMA-7.

Naging director ko na kasi si Direk Adolf sa Chain Letter, ang horror movie namin sa Viva Films.”

Gumaganap si Meg bilang mistress sa D’ Originals kasama sina Kim Domingo at Archie Alemania na gumaganap bilang mag-asawa. Nagkaroon nga ba sila ng hindi pagkakaintindihan ni Kim sa set?

“Hindi po, wala po kaming problema ni Kim, nagkaroon lang ng misunderstanding sa ilang pumansin na hindi raw kami nagbabatian. Hindi po totoo ‘yon, okey kami ni Kim, hindi lang siguro kami nagkaroon agad ng chance na mag-usap, hi-hello lang kami. Medyo awkward lang po dahil bago ako, hindi ko pa sila masyadong kilala nu’ng nagsimula kaming mag-taping. Pero ngayon, ang saya-saya namin sa set, ang ganda po ng treatment nila at ng production sa akin.”

Kilala ang mga Imperial sa Bicol province.

“Kapag wala po akong work, umuuwi ako sa amin, sa Naga City. May business po ako roon, may food cart ako na nagbebenta ng siomai at iba pang merienda food sa mall. May dalawa na akong food cart. Tinitingnan ko po ang possibility na maglagay din ako dito sa Metro Manila. Sa ngayon busy pa ako rito sa aming show na magpi-pilot na simula sa April 17, pagkatapos ng Legally Blind.”