HANGGANG 2018 pa ang kontrata ni Derek Ramsay sa TV5 kaya hindi pa siya puwedeng lumipat sa ibang TV network.
Balitang ire-revive naman ng TV5 ang kanilang entertainment department bagamat may mga inaayos at adjustment pang ginagawa ang bagong management, kaya pawang canned show ang ipinapalabas nila.
Pero may teleserye na palang ginagawa ngayon si Derek.
Classic movie ‘Ipaglaban Mo!’, ipinalabas ng CCP bilang kampanya vs VAWC
“I’m doing Amo by Direk Brillante Mendoza sa TV5,” say ng aktor sa amin.
Kailan ito eere?
“Don’t know yet when it will be shown,” aniya.
Sa ngayon ay ito pa lang ang project ni Derek na abala rin sa pagti-training na hindi naman binanggit kung para saan.
Itinanong din namin kung nagso-shoot na sila ng life story ng car racer na si Enzo Pastor mula sa direksiyon ni Enzo Williams under Regal Entertainment, pero hindi niya kami sinagot.
Kaya tinanong namin tungkol dito ang kakilala namin sa Regal, “Hindi ko alam, baka wala pang final cast,” sagot nito sa amin. (Reggee Bonoan)
