SA renewal ng kanyang kontrata bilang Kapamilya kamakailan, inilahad ni Richard Yap na muli siyang sasabak sa pelikula at teleserye.
Bagamat inaabangan ng lahat ang balik-tambalan nila ni Jodi Sta. Maria, pahulaan pa rin sa kanilang fans kung muli silang magkakasama sa project.
Hindi pa masagot ni Richard kung may project nga sila uli ni Jodi.
Asong malungkot din sa pagkamatay ng fur dad, dumurog sa puso ng netizens
“Hindi pa namin p’wede i-confirm or i-deny, hindi p’wedeng manggaling sa akin kung siya ba o hindi,” aniya.
Noon pa sinasabi ni Richard na excited siyang makatambal muli si Jodi.
“It’s always fun to work with her. We feel comfortable with each other of course we’d like to work each other again,” aniya.
Hindi maiwasang ikumpara si Richard kay Ian Veneracion dahil nagkakapareho sila ng image bilang veteran hearthrob.
Mukhang si Ian na nga raw ang humalili sa kanyang trono as leading man ni Jodi. Pinagkukumpara na rin kung sino na sa kanilang dalawa ang mas sikat ngayon.
“I don’t know, siguro it’s the people pitting us with each other, maybe because we have the same leading lady… As far as I’m concerned, siguro that’s what they think. Pero between me and Ian Veneracion, we’re friends. We don’t really talk about projects and all that. He has his projects and I have my own project,” sey ng tsinitong aktor na sumikat sa seryeng Binondo Girl with Kim Chiu at BCWMH with Jodi.
“Siguro when they put us together in a film, siguro we need to act like we’re competing. There’s enough projects for both of us naman kasi, for me I think kay Ian din it’s not an issue,” pahayag pa ni Richard. (Ador Saluta)
