MILYUN-MILYONG Amerikano ang apektado ng Alzheimer’s disease, at inaasahang dadami pa ito. Iminumungkahi ng bagong pag-aaral na may kaugnayan ang mahabang pagtulog sa panganib sa pagkakaroon ng dementia.
Halos 46 na milyon ang taong may dementia sa buong mundo, at inaasahang matitriple pa ang bilang na ito pagsapit ng 2050.
Sa United States, tinataya na nasa limang milyon katao ang kasalukuyang mayroong Alzheimer’s disease. Tumataas ang panganib sa pagkakaroon ng sakit kapag nagkakaedad na ang tao, na isa sa tatlong matatanda ang namamatay sa Alzheimer’s o sa iba pang uri ng dementia.
Iminumungkahi ng bagong malawakang pag-aaral na ang mga taong laging mahaba matulog ay may nanganganib na magkaroon ng dementia.
Nanguna sa pag-aaral si Dr. Sudha Seshadri, propesor ng neurology sa Boston University School of Medicine (BUSM), at inilathala ang findings sa journal na Neurology.
NBI Dir. Matibag, pumalag; wala raw NBI agents sa loob ng Senado habang may putukan!
Sinuri ng mga researcher ang datos mula sa Framingham Heart Study (FHS). Ang FHS ay malawakang pag-aaral na nagsimula noong 1948 na nilahukan ng 5,209 na lalaki at babae na nasa 30 hanggang 62 ang edad at nakatira sa bayan ng Framingham, MA. Ang orihinal na layunin ng pag-aaral ay uoang matukoy ang risk factors ng cardiovascular disease.
Para sa pag-aaral, maraming matatanda na kalahok sa FHS ang tinanong kung gaano sila katagal matulog sa gabi.
Sinundan ng mga researcher ang mga kalahok sa loob ng 10 taon para masuri kung sino ang magkakaroon ng Alzheimer’s disease at iba pang uri ng dementia.
Sinuri ng BUSM researchers ang nakolektang datos sa haba ng kanilang naitulog at kinalkula ang panganib sa pagkakaroon ng dementia.
Napag-alaman ng grupo na ang mga taong regular na natutulog sa loob ng siyam na oras o higit pa ay doble ang posibilidad sa pagkakaroon ng Alzheimer’s sa loob ng 10 taon, kumpara sa mga taong nakakatulog ng hindi lalagpas sa siyam na oras.
Ipinaliwanag din ng lead author na may kinalaman ang edukasyon sa panganib ng pagkakaron ng dementia.
“Participants without a high school degree who sleep for more than 9 hours each night had six times the risk of developing dementia in 10 years as compared (with) participants who slept for less. These results suggest that being highly educated may protect against dementia in the presence of long sleep duration,” saad ni Dr. Sudha Seshadri.
Naniniwala ang mga awtor na makatutulong ang kanilang nadiskubre sa dementia at cognitive impairment detection practice.
“Self-reported sleep duration may be a useful clinical tool to help predict persons at risk of progressing to clinical dementia within 10 years,” he says. “Persons reporting long sleep time may warrant assessment and monitoring for problems with thinking and memory,” saad ng awtor na si Matthew Pase, Ph.D. (Medical News Today)
