HINIHIMOK ng Environmental Management Bureau (EMB) ang mga kabataan sa Western Visayas na makibahagi at kumilos para maprotektahan ang kalikasan.
Isinagawa nitong Lunes ang isang Youth Empowerment Summit na may temang “Green Schools: Build Climate-Resilient Sustainable Communities” na dinaluhan ng halos 200 mag-aaral sa buong rehiyon.
Sa mensahe ng EMB assistant director na si Jacqueline A. Caancan, ipinakita niya ang kahalagahan ng kabataan pagdating sa pagbibigay-proteksiyon sa kapaligiran.
“We gather the youth through their schools to empower them through environmental awareness and promoting advocacy when it comes to environmental protection,” aniya.
#KaFaithTalks: Paano hahanapin ang katahimikan kung sarili ang kalaban araw-araw?
Ipinagdiinan ni Caancan na ang kabataan ay “future drivers” at may kapangyarihan na baguhin o palalain ang kondisyon ng kapaligiran.
“We want to use them as a tool because they will inherit the future, they will be the future leaders, so it is very critical that at a young age, they would be involve in environmental advocacies and in changing behavior everyday in a community,” dagdag niya.
Sa pagsulpot ng teknolohiya ngayon sa mundo, inihayag ni Caancan na dapat baguhin ng kabataan ang kanilang pag-uugali at simulang gumawa ng mga hakbangin para maprotektahan ang kapaligiran dahil may kakayahan sila para gumawa ng pagbabago.
“It is not only about words, it is about taking action,” ani Caancan.
Sinabi rin ni Caancan na nasa proseso na sila ng pagkakaroon ng subjects tungkol sa pagbibigay-proteksyon sa kapaligiran sa mga curriculum sa higher education para higit na mahimok ang kabataan na isalba ang kalikasan.
Sa summit ngayong taon, inaasahan ni Caancan na mas magiging aktibo ang kabataan sa rehiyon para sumali sa mga aktibidad na magbibigay-proteksyon sa kapaligiran.
“It is a challenge to do action. Every youth has a role to play in their own way, no matter how small it is if we combine them, it could make a big difference,” aniya. (PNA)
