Sinibak sa puwesto kahapon ni Philippine National Police (PNP) Chief, Director General Ronald “Bato” Dela Rosa ang dalawang pulis-Pasig na nagpulasan ng takbo nang masaksihan ang pamamaril sa isang lalaki sa Pasig City nitong Nobyembre 11, 2016.
Sa pamamagitan ng PNP Directorate for Personnel and Records Management (DPRM) Special Orders Number 9682, sinibak sa pagkakatalaga sa National Capital Region Police Office (NCRPO) sina PO1 Herminio D. Manalastas at PO1 Jayson S. Riego at inilipat sa PNP Special Action Force (SAF) simula nitong Nobyembre 24, 2016.
Ayon kay PNP Spokesperson at acting Public Information Office (PIO) Chief, Police Senior Supt. Dionardo B. Carlos, inirekomenda ang pagsailalim sa dalawang pulis sa PNP SAF Commando Training, na kinabibilangan ng law enforcement at military operations training.
Batay sa CCTV footage at sa mga ulat, nasa loob ng drug store ang dalawang pulis nang biglang pumasok ang isang lalaking duguan habang pinagbabaril. Nagpulasan ng takbo ang dalawang pulis patungo sa sulok ng establisimyento kaya tuluyang nakatakas ang suspek, at nasawi rin ang biktima.
Giit ni Torre: Walang nakakahiya sa paglalakad, pagbibisikleta!
“Our policemen should be more sensitive on things happening around them and always be ready to respond to those who are in need. We have this sworn duty to serve and protect and we have to be more dedicated because it is our mandated task,” ani Carlos.
“As what our Chief PNP always say, we want them to adapt a warrior culture. We want a policeman who is ready to fight, courageous, and is not coward. A true policeman who is ready to fight and who doesn’t run from a fight. That’s the kind of culture that we want to develop in the PNP,” dagdag pa ni Carlos.
