HINDI pa namin napapanood ang pelikulang Baka Bukas ni Jasmine Curtis Smith na kasali sa C1 Originals Festival 2016 dahil hindi namin matiyempuhan ang oras ng screening nito.
Nasa Gateway Mall kami noong Sabado, pero sold out naman dahil pagbukas pa lang daw ng mall ay mahaba na ang pila.
At lalo pa kaming na-curious sa naturang pelikula dahil nanalo si Jasmine bilang Best Actress sa katatapos na C1 Originals Film Festival 2016 awards night nitong Linggo sa Dolphy Theater.
Inialay ni Jasmine ang kanyang best actress award sa Lesbian Gays Bisexual and Transgender community.
Carlos Yulo, wala pa raw naibibigay na tulong sa pamilya kahit palihim na abot?
“Mabuhay ang LGBT community! Kaisa n’yo ako whether or not I am,” say ng dalaga.
Samantala, nakapuntos naman ang isa sa mga miyembro ng Hashtag na si Jameson Blake sa mga kasamahan niya dahil siya ang tinanghal na Best Supporting Actor para sa 2 Cool 2 Be 4gotten kasama si Khalil Ramos. Usapan nga na kaya raw nanalo ang baguhang aktor ay dahil pumayag siyang gawin ang masturbation scene.
Narito ang kumpletong listahan ng mga nanalo sa C1 Originals Film Festival 2016:
Best Actress: Jasmine Curtis (Baka Bukas)
Best Actor: Rocky Salumbides (Lily)
Best Supporting Actress: Natileigh Sitoy (Lily)
Best Supporting Actor: Jameson Blake (2 Cool 2 Be 4gotten)
People Choice Award: Baka Bukas
Best Sound: Baka Bukas (Andrew Millalos)
Best Music: Tisay (Francis de Veyra)
Best Editing: Lily
Best Production Design: Tisay (Michael Espanol)
Best Cinematography: 2 Cool To Be 4gotten (Carlos Mauricio)
Best Screenplay: Malinak Ya Labi (Jose Abdel Langit)
Best C1 Minute Top Student Film: No Seguir by Nino Justin Tecson
Best Short Film: Maria by JP Habac
Best Documentary: Forbidden Memory by Teng Mangansakan
Best Director: Keith Deligero (Lily)
Best Picture: 2 Cool 2 Be 4gotten
Champion Bughaw Award: Tisay
Special Citation: People Power Bombshell: Diary of Vietnam Rose
Special Jury Prize: Si Magdalola at ang Mga Gago
Nagsilbing hosts sa Gabi ng Parangal sina Xian Lim at Coleen Garcia at ang Vine & Kath & James stars na sina Julia Barretto at Joshua Garcia ang naging presentors. (Reggee Bonoan)
