NANANATILING Kapuso si Heart Evangelista-Escudero na nag-renew ng kanyang exclusive contract sa GMA Network nitong nakaraang Lunes, September 19.
Dumalo sa contract signing sina GMA Chairman and Chief Executive Officer Atty. Felipe L. Gozon, GMA President and Chief Operating Officer Gilberto R. Duavit Jr., GMA Executive Vice President and Chief Financial Officer Felipe S. Yalong, GMA Entertainment TV’s Senior Vice President Lilybeth G. Rasonable, GMA Senior Assistant Vice President for Alternative Productions Gigi Santiago-Lara, Senior Program Manager for ETV Charles Koo at ang manager ni Heart na si Arnold Vegafria.
“To GMA, thank you so much,” masayang pahayag ng TV’s Sweetheart. “You gave me a second chance in everything. When I started with them, sobrang hirap ng mga pinagdaanan ko and binigyan nila ako ng pagkakataon. I really became the person I never thought I would be with their help.”
ALAMIN: Mga dapat mong malaman tungkol kay Jose Rizal
Itinuturing ni Heart na turning point ng kanyang career ang kanyang pagiging Kapuso.
“GMA really was a huge help for me. I don’t know what would have happened to me if I didn’t move (to GMA). It was a good decision,” aniya.
Katatapos lang magbida ni Heart sa primetime series na Juan Happy Love Story with Dennis Trillo.
“After Juan Happy Love Story, sobrang na-in love ako ulit sa ginagawa ko, na-excite ako. Sobrang na-enjoy ko ‘yung soap kasi very refreshing siya,” kuwento niya.
“We are proud to have Heart as a Kapuso talent and nagpapasalamat tayo sa patuloy niyang pagtitiwala sa GMA at sa patuloy niyang pagiging Kapuso,” wika naman ni Mr. Duavit. “Heart is a versatile and professional artist, hindi lamang sa kanyang mga pagganap kundi maski sa kanyang pagpinta. Malaki ang nadadala niyang karangalan sa atin. So we’re very happy and proud.”
“We’re very happy with the turnout of Juan Happy Love Story kasi we’ve seen Heart as the dramatic actress,” sabi naman ni Ms. Rasonable. “Dito sa soap na ito, ‘pinakita natin na kaya pala niyang maging light at magpatawa. And ‘yung chemistry nila ni Dennis Trillo is undeniable. Ang daming natuwa at tayo rin ay natuwa. It’s just exciting for us that we saw a different side of her so it opens a lot of possibilities for the writers. Hopefully she does something different, not necessarily drama. So we’re expecting na mas marami pang project na ganun para mas maipakita pa natin ang range ni Heart.”
