GARDEN CITY, Kansas (AP) — Umiskor si Pinay golfer Dottie Ardina ng 72 sa final round para makisosyo sa ika-13 puwesto sa Garden City Charity Classic na pinagwagihan ni LPGA Tour player Christine Song.
Pumalo ang 25-anyos na si Song ng 3-under 69 sa Buffalo Dunes para sa dalawang stroke na panalo kontra Wichanee Meechai ng Thailand para sa ikalimang career win sa Symetra Tour.
“I feel really blessed and I feel that I had some golf still in me,” pahayag ni Song. “This means a lot because I have been through injuries and a slump. I’m really just glad it is over.”
Kumana si Meechai ng 68, habang pangatlo si Jessica Wallace ng Canada sa 10-under matapos umiskor ng 70.
Karl Eldrew Yulo, pamilya raw pinakamagandang regalong natanggap
Napagwagihan ni Song ang US$15,000 at tumalon sa ika-37 puwesto mula sa 103rd sa money list tangan ang kabuuang US$20,524 sa loob ng apat na event. Ang top 10 matapos ang tatlong nalalabing event ay pagkakalooban ng LPGA Tour card.
Kumasa naman si Mia Piccio ng final-round 72 para makasama sa ika-27 puwesto tangan ang kabuuang 217, habang isa pang Pinay na si Clariss Guce ang kumana ng 74 para sa 221 at ika-47 puwesto.
