SUNUD-SUNOD ang pagpapa-drug test ng mga artista, voluntary man o utos ng network. Kabilang sa nagpa-drug test si Claudine Barretto na matagal nang natsitsismis na gumagamit ng illegal drugs.

Sa paglabas ng negative result ng kanyang drug test, matitigil na ang mali-maling balita kay Claudine. Ang linaw ng resulta ng drug test na ginawa sa Hi-Precision Diagnostics sa Quezon City. 

Puro negative ang nabasa namin at ibig sabihin, walang trace ng Phencyclidine (PCP), Barbiturates, Benzodiazepines, Cocaine, Ecstacy, Methadone, Morphine, Methamphetamine, Opium at Tetrahydrocannabinol ang dugo at katawan ni Claudine. Puro “Passed” ang remarks sa drug result ni Claudine.

Nabasa rin namin sa drug result ni Claudine na ang Viva Films ang nakalagay na “requesting parties.” (NITZ MIRALLES)