Mga Laro Ngayon
(Philsports Arena)
10 n.u. -- FEU vs La Salle
12 n.t. -- EAC vs UST
Akari Sports wala pang balak pasukin ang PBA
4 n.h. -- SSC vs UP
6 n.g. -- FEU vs Ateneo
Umabot na sa sukdulan ang labanan para sa Shakey’s V-League Season 13 Collegiate Conference semifinal race sa pagtutuos ng San Sebastian College at University of the Philippines para sa ikatlong Final Four berth habang pupuntiryahin ng Ateneo ang huling semifinals seat sa pagsabak kontra sa unang semifinalist Far Eastern University sa pagpapatuloy ng aksiyon ngayon sa Philsports Arena sa Pasig.
Kapwa natalo ang Lady Stags at ang Lady Maroons para makatabla sa Lady Eagles sa ikatlong puwesto may 2-2 karta kaya inaasahan na magiging dikdikan ang kanilang duwelo sa ganap na 4:00 ng hapon.
Tatangkain ng Ateneo na matalo ang FEU sa kanilang laban ganap na 6:00 ng gabi para sa tsansa nilang makahabol sa Final Four.
Inaasahang muling magpapakitang-gilas si Gretchel Soltones para pangunahan ang grupo nina Katherine Villegas, Denice Lim, Joyce Sta. Rita, Alyssa Eroa at setter Vira Guillema.
Inaasahan namang mamumuno para sa tropa ni coach Jerry Yee sina Diana Carlos, Justine Dorog, Isa Molde, Katherine Bersola, Marian Buitre at playmaker Mae Basarte.
Para sa Ateneo, gagawin nila lahat upang magapi ang FEU sa pangunguna ni skipper Michelle Morente.
“We will definitely go for it,” pahayag ni Morente. (Marivic Awitan)
