KAHIT may mga puwersang pumipigil, ilalabas na rin daw ng pamamahalaan ni Presidente Rodrigo Duterte ang pangalan ng mga taga-showbiz na sangkot sa illegal drugs.
Ayon sa nakausap naming mambabatas, na may konek sa showbiz at kapartido ni Pres. Duterte, hintayin na lang daw nating lahat ang pagsisiwalat sa drug personalities sa mundo ng pelikula at telebisyon.
Pero nang itanong namin sa source kung sinu-sino sa palagay niya ang napasama sa listahan ay napailing na lang siya.
Kumbaga, kahit may mga pangalan siyang alam ay wala siyang karapatan na magsiwalat nito.
Carlos Yulo, wala pa raw naibibigay na tulong sa pamilya kahit palihim na abot?
Samantala, patuloy ang mga kumakalat na espekulasyon sa showbiz circle at bukod daw sa kilalang showbiz personalities ay tiyak na ikagugulat ng lahat na isa raw sa mga kasama sa listahan ang napakasikat na actor.
Kapag tuluyang naisiwalat ang listahan, tiyak daw na maaapaktuhan nang husto ang career ng napakasikat na actor na ito. (Jimi Escala)
