MANANATILING Kapuso si Lovi Poe dahil muli siyang pumirma ng exclusive contract sa GMA Network nitong nakaraang Martes sa harap nina GMA Chairman and Chief Executive Officer Atty. Felipe L. Gozon, GMA Executive Vice President and Chief Financial Officer Felipe S. Yalong, GMA Entertainment TV’s Senior Vice President Lilybeth G. Rasonable, GMA Consultant for Business Development Department II Marivin T. Arayata, GMA Vice President for Drama Productions Redgie Acuña-Magno, GMA Vice President for Corporate Affairs and Communications Angela Javier-Cruz, GMA Senior Assistant Vice President for Alternative Productions Gigi Santiago-Lara, GMA Assistant Vice President for Drama Productions Cheryl Ching-Sy, Senior Program Managers for ETV Charles Koo and Ali Dedicatoria at ang manager ni Lovi na si Leo Dominguez.
Masaya si Lovi sa kanyang renewal of contract sa GMA na naging home network niya sa loob ng sampung taon.
“I’m just happy na nandito ako ngayon. Nagpapasalamat ako dahil palagi nila akong binibigyan ng opportunity to work on what I’m really passionate about which is acting and performing in front of the people who are supporting me. GMA has always been my home,” sabi ng Kapuso premier actress.
Mag-asawang hindi nakapagtapos ng pag-aaral, pinagtapos naman ang 9 na anak!
Magbibida si Lovi sa upcoming primetime series na Someone To Watch Over Me kasama sina Tom Rodriguez at Max Collins. Excited si Lovi sa unang TV series na pagtatambalan nila ni Tom.
“Sobrang excited ako kasi first time ko to work with Tom,” sabi ni Lovi. “We already started taping and first time namin na magkaron ng malalalim and intimate na mga eksena. Napakahusay ni Tom kaya excited ako sa mga susunod pang eksena na darating. Nagulat ako kasi napakagaling niya. So, I’m really looking forward to sharing it with everybody.”
Original series ang Someone to Watch Over Me na tatalakay sa maagang bahagi ng pagkakaroon ng Alzheimer’s disease.
Ayon kay Lovi, maraming matututuhan ang viewers tungkol sa karamdamang ito na hindi lang matatanda ang dinadapuan.
“Siguro it’s time we actually show people and make them aware about this illness. Kasi usually parang naiisip natin na when people get older nagiging malilimutin na sila pero it’s a certain disease na nangyayari rin pala hindi lang sa may edad kundi sa mga kabataan din,” sabi ng aktres.
Bukod sa TV series na ito, maglalabas din si Lovi ng album ngayong taon at busy rin sa kanyang movie projects.
Puring-puri ni Atty. Gozon si Lovi na itinuturing niyang isa sa pinakamagaganda at pinaka-talented na stars ng network.
“Tayo naman ay nagagalak dahil napili tayo ni Lovi sapagkat at least para sa atin hindi lamang napakagandang artista ni Lovi kundi magaling din. Kaya nasa kanya ang dalawang katangian na hinahanap ng bawat nagpo-produce ng programa,” sabi ni Atty. Gozon.
“We are happy that she continues to believe in the way we manage her career and we are glad that she is staying with us for another three years,” pahayag naman ni Mr. Yalong.
“Nag-start na siyang mag-taping for Someone to Watch Over Me,” ayon kay Ms. Rasonable. “Then, itutuluy-tuloy natin ‘yung projects for her especially sa drama kung saan talaga siya nag-i-excel. At dito naman talaga siya nag-start.
Parang kailan lang, we were in the same room for the contract signing and now she is renewing and we are very happy and proud that she is still a Kapuso.”
