Nakatakdang ilatag ni world fitness star Gemmalyn Crosby ang ikatlong Philippine Fitness & Wellness Expo sa September 3, sa SMX Convention Center.
Target ng programa, sa ilalim ng Crosby Sports Festival, na malampasan ang 2,000 kalahok na nakibahagi sa huling pagdaraos ng sports convention sa nakalipas na taon.
“This is going to be better than the past two years combined. It is the most exciting fitness and wellness even for the whole family,” pahayag ni Crosby, fitness enthusiast at superstar bodybuilder na nakabase sa US.
BALITAnaw: Ang dalawang babaeng naging pangulo ng Pilipinas
Tampok sa multi-sport event ang promosyon sa mga pinakabagong kagamitan na magagamit ng mga atleta at sports buff.
Nagbigay ng suporta para sa Expo sina boxing champion Gerry Peñalosa, zumba expert Ms. Regine Tolentino, Philippine Karatedo League, ang Philippine Table Tennis Federation, at Filipino Martial Arts & Arnis Championships.
“I believe in Gemmalyn’s advocacy and passion. I support her fully and I know she inspires and motivates many in the sports industry,” sambit ni dating junior bantamweight at bantamweight titleholder Peñalosa.
Si Crosby ay isang IFBB professional athlete at negosyante. Mayroon siyang Advanced Personal Training Certification, certified sports nutrition specialist, fitness model, book author, actress, Muay Thai at Kick Boxing instructor, at Mixed Martial Artist.
“One of my many passions in life is to promote fitness and wellness in my hometown, the Philippines,” pahayag ng Florida-based na si Crosby.
Mabibili na ang tiket sa SM Tickets (www.smtickets.com). Para karagdagang impormasyon bisitahin lang ang website sa www.philippinefitnessexpo.com o tumawag sa 09226882982. Ang GCSF’s Instagram at @philippinefitnessexpo at sa Facebook page PhilippineFitnessandWellnessExpo.
