NAGULAT kami sa bagong itsura ngayon ni Joseph Marco na bukod sa maigsi ang buhok ay humpak ang mukha at super slim.

(Unfair nang tawagin pa rin siyang “lumang tao,” sabi nga ni Katotong Vinia Vivar, dahil sa buhok niya noon na parang laging nakapomada.)

Nakita namin si Joseph sa Style Origin Festival sa Trinoma Activity Center noong Linggo kasama ng magkapatid na Arjo at Ria Atayde at agad siyang tinanong kung bakit ang laki ng ipinagbago ng itsura niya.

Classic movie ‘Ipaglaban Mo!’, ipinalabas ng CCP bilang kampanya vs VAWC

“Para po sa movie namin ni Alex (Gonzaga), kailangan ko pong mag-trim down,” magalang na sagot ng aktor.

Nakakapanibago ang itsura niya, at sinabi namin talaga na hindi na siya mukhang lumang tao na ikinatawa ng aktor.

Dahil napakaingay sa venue, hindi naging malinaw sa amin kung iisa o iba pa ba ang pelikulang pagsasamahan nila nina Alex at Kiray Celis gagawin ni Joseph kasama ang co-stars niya sa Pasion de Amor na sina Jake Cuenca at Ejay Falcon.

Kung sakaling iisa, ang taray ni Kiray dahil ang guguwapo ng leading men niya, imagine, Pasion de Amor boys lang naman.

After Derek Ramsay sa Love Is Blind ay may Enchong Dee na I Love You To Death na ipapalabas na sa Hulyo 6, at heto, may follow-up na naman siya with Joseph, Ejay at Jake?

Ikaw na talaga, Kiray! Ang ganda-ganda mo at ang tangkad-tangkad mo para makasama mo ang nagguguwapuhang mga aktor sa showbiz.

In fainess, mabait si Kiray, masunurin at propesyunal kaya gustung-gusto siya ng Regal producers na sina Mother Lily at Roselle Monteverde.

Going back to Jopseh, wala pala siyang regular show sa ABS-CBN at Pasion de Amor pa ang huli niya.

“May mga guesting naman po, pero regular wala pa po,” seryosong sabi ng binata.

Nalaman din namin na hindi pa pala siya nagkakaroon ng pelikula under Star Cinema maliban sa Talk Back and You’re Dead na co-production with Viva Films.

Pareho pala sila ni Kiray na hindi rin nabigyan ng solong pelikula sa Star Cinema at nauna pa ang Regal Entertainment.