PAUWI na sina Kris Aquino at mga anak na sina Josh at Bimby o baka nga nasa bansa na sila dahil sa isa sa latest picture na ipinost ni Kris, sinabi niyang, “We’ll be home soon -- I am so grateful for the opportunity to just be Kuya Josh & Bimb’s MOM.”
Sa sobrang tuwa ng followers ni Kris sa ibinalita niyang malapit na ang kanilang pag-uwi, umabot agad sa 53,850 ang views ng video na ipinost niya. Tinotoo ni Kris ang kanyang sinabi bago sila umalis na sa July ang balik nilang mag-iina.
Sa pagbabalik nina Kris, may masayang sasalubong kay Bimby at ito ay ang pagiging operational na ng bagong branch ng Nacho Bimby sa SM North Edsa The Block, Cinema level.
ALAMIN: Ano nga ba ang EBET Law na pinirmahan ni PBBM
Mabibigyang linaw din ni Kris ang tsikang winu-workout na mag-guest siya sa morning show ni Marian Rivera na Yan Ang Morning sa GMA-7. Wala nang kontrata sa ABS-CBN si Kris at hangga’t hindi pa siya nakakapag-renew ng kontrata sa Kapamilya Network, libre siyang makapag-guest sa ibang istasyon. (NITZ MIRALLES)
