May reklamo ka ba tungkol sa iyong nawawalang balikbayan box? Biktima ka ba ng Internet love scam? Ang Bureau of Customs (BoC) is just a phone call away.
Tatawaging BoC-CARES, na nangangahulugang Customs Assistance and Response Services, binuo ni Commissioner Alberto Lina ang unit upang tumanggap ng mga tawag, tanong, at reklamo mula sa publiko sa mga usaping may kaugnayan sa Customs.
Itinatalaga ni Lina, sa bisa ng Customs Memorandum Order No. 10-2016, ang Public Information and Assistance Division (PIAD) ng ahensiya upang mangasiwa sa BoC-CARES, sa ilalim ng direktang pangangasiwa ng Internal Administration Group.
“The unit is designed to operate 24/7 and shall operate as such upon the recommendation of the deputy commissioner for IAG…Otherwise, it shall operate from 7 a.m. to 7 p.m., Mondays to Fridays,” ani Lina.
Sen. Imee sa sinabi ni Tiangco: 'Panahon na para ibasura ang impeachment ni VP Sara'
Sampung bagong kawani ng BoC ang nakatalaga ngayon upang tumanggap ng mga tawag at pumuwesto sa mga computer upang alamin ang mga problema ng publiko na may kinalaman sa Customs.
Opisyal na magsisimula ang operasyon ng BoC-CARES sa susunod na buwan.
“It would be launched on June 14,” sabi ni Cylie Litao, administrative officer ng BoC-PIAD. (Raymund F. Antonio)
