Kabuuang 43 atleta at 72 coach ang kumpirmadong lalahok sa isasagawang Personal Enhancement Program (PEP) for Sports module on wholistic health na inilunsad ni Philippine Sports Commission (PSC) commissioner Wigberto “Iggy” Clavecilla.
Nakatakda ang programa ngayon at bukas sa PSC-Philsports Multi-Purpose Arena sa Pasig City.
Para sa ikatlo at huling module ng PEP, sasalang ang kalahok sa interaksiyon at practical na pamumuhay sa pamamagitan ng ‘laughter yoga’ na pangangasiwaan ng Pinoy Laughter Yoga ni Paolo Trinidad, gayundin ang kaalaman sa pagbibigay ng agarang-lunas sa aspeto ng injury ni Dr. Vivien “Sckye” Mercado.
'Deserve mong i-flex anak!' Bakit nga ba naiyak ang isang guro sa regalo ng isang pupil?
Ipagkakaloob naman ni Dr. Willie Ong ng pamosong ‘Salamat Dok’ programa ng ABS-CBN ang kahalagahan ng wholistic health.
Nauna rito, sumabak ang mga kalahok sa naunang module na may kinalaman sa financial literacy at personality development.
“After the very positive feedback we received from our recent [personality development] module, there were more athletes and coaches eager to attend the next module. But our allotted slots for wholistic health were already filled up before the confirmation deadline on May 3. We are indeed grateful to our national athletes and coaches for their interest in the PEP,” pahayag ni Clavecilla.
“I would also like to thank [PSC] Chairman Richie Garcia, my fellow Commissioners Buddy Andrada, Jolly Gomez and Akiko Thomson-Guevara; and the rest of the PSC employees for supporting us in this endeavor. Without them, this would not have happened at all,” aniya.
