Si Armed Forces of the Philippines vice chief-of-staff Lt. Gen. Glorioso Miranda ang pinangalanang acting military chief matapos magretiro si Gen. Hernando Iriberri nitong Biyernes sa pagtuntong nito sa mandatory retirement age na 56.
Si Miranda ay miyembro ng Philippine Military Academy Class of 1983. Siya ay kaklase o “mistah” ni Iriberri.
Dahil sa election ban, walang kaagad na papalit kay Iriberri kayat itinalaga si Miranda bilang acting AFP chief.
Noong nakaraang buwan, naupo si Miranda bilang AFP vice chief-of-staff. Bago ang kanyang appointment, siya ay pinuno ng Tarlac City-based Northern Luzon Command. Naging commander ng Nueva Ecija-based 7th Infantry Division at General Headquarters at ng Headquarters Service Command sa Camp Aguinaldo, Quezon City. (PNA)
