Pinaghahanap ngayon ng pulisya ang suspek sa pagdukot sa isang pitong taong gulang na anak ng isang negosyante, kasama ang menor de edad din na yaya ng bata, sa Barangay Bugo, Cagayan de Oro City, Misamis Oriental, nitong Lunes ng umaga.
Sinabi ni Supt. Gervacio Balmaceda, Jr., tagapagsalita ng Cagayan de Oro City Police Office (COCPO), na may mga personalidad na silang iniimbestigahan na posibleng suspek sa pagdukot sa bata.
Umapela ang pulisya sa pamilya ng biktima na makipagtulungan sa kanilang imbestigasyon upang mapadali ang pagdakip sa mga suspek.
Ayon sa pulisya, dinukot ang biktima at 16-anyos na yaya nito habang patungo ang dalawa sa paaralan, noong Lunes ng umaga.
Atimonan mayor, kinondena pamamaslang sa 10-anyos na batang babae
Isa sa mga motibong tinitingnan ng pulisya sa pagdukot sa biktima ay may kinalaman sa negosyo ng pamilya nito.
(FER TABOY)
