Patay ang isang big-time drug pusher na sangkot sa iba’t ibang kaso ng pagnanakaw at pagpatay matapos umanong manlaban sa awtoridad sa buy-bust operation sa Bacoor City, Cavite, nitong Miyerkules.
Dead-on-the-spot si Ramir Mananthan, alyas Tisoy, 42, may asawa, ng Barangay Molino 3, Bacoor City, Cavite.
Sa ulat ng pulisya, dakong 7:30 ng gabi nang magsagawa ng operasyon ang pinagsanib na puwersa ng Intel Section at Bacoor City-Special Operations Group (BC-SOG) sa pamumuno ni Police Supt. Noel Alino, sa Sitio Pechayan sa Bgy. Molino 3.
Nagsasagawa ng buy-bust ang pulisya pero nakatunog ang suspek na agad nagpaputok ng baril kaya nauwi sa engkuwentro hanggang sa mapatay si Mananthan.
Dalawang Tulfo brothers, nanguna sa survey ng senatorial race
Bukod sa paulit-ulit na pagkakasangkot sa ilegal na droga bilang isang kilabot na drug pusher sa Bacoor, sangkot din si Mananthan sa serye ng nakawan sa siyudad at sa mga karatig-bayan, kabilang na ang pagtangay ng P706,000 sa bahay ng isang Mrs. Nixon noong Nobyembre 2015 sa Bacoor; at sa pagnanakaw at pagpatay nitong Enero 18 sa isang buko dealer, na natangayan ng 4,800.
Nakuha mula sa suspek ang isang .38 Smith and Wesson snub nose homemade revolver at mga bala nito, gayundin ang 500 marked money. (Beth Camia)
