PINAPANGARAP ni Sunshine Cruz na mailagay sa ayos ang takbo ng kanyang buhay pamilya kasama siyempre ang tatlong anak niya. Kaya isa raw sa mga New Year’s wish niya ay matapos na at makuha na niya ang annulment ng kasal nila ng kanyang dating asawa.
Pero agad binigyang-diin ni Sunshine na hindi niya inaapura ang nasabing annulment para lang makapag-asawa o magkaroon ng bagong karelasyon. Gusto niyang matapos na ang ayon sa kanya ay ilang taon na ring naging pahirap sa schedules niya, at siyempre para na rin daw ‘yun sa ama ng kanyang mga anak.
Wala na rin daw namang pag-asa na magkasundo pa sila. Na-realize na rin nila na imposible na silang magkasundo kaya sana raw ay ma-grant na ang annulment.
Mag-asawang hindi nakapagtapos ng pag-aaral, pinagtapos naman ang 9 na anak!
Maging ang tatlong magagandang dalaginding ni Sunshine ay pabor na rin naman na makakuha na ng annulment ang kanilang ina. Sa totoo lang, sa ibang kaso ng annulment ay kontra ang mga anak, pero suportado ng mga anak ang kagustuhan ni Sunshine.
Sa totoo lang din naman, dito nga lang sa Pilipinas, napakabagal ng usad ng kaso ng annulment. Hanggang maaari, mukhang pinipigilan pa ‘yan ng mga hukuman natin. Kasi nga, iyan ay personal namang problema, at siyempre inuuna nila ang mga kasong kriminal na tambak din naman sa mga hukuman natin.
Sa kaso naman ni Sunshine, gusto niya talaga ng annulment para matuldukan na forever ang problema, at malaman din naman ng isa’t isa kung ano ang kanilang reponsibilidad sa buhay.
Nakahanda naman si Sunshine, at naniniwala siya na may kakayahan siya para buhayin at bigyan ng magandang kinabukasan ang tatlo niyang anak. (JIMI ESCALA)
