KUNG dati rati’y sa bahay lang nagdiriwang ng Pasko at Bagong Taon si Korina Sanchez, simula nang maging esposa siya ni Mar Roxas ay kakaiba na ang pagdiriwang niya ng naturang mga okasyon, kasabay na rin ang “pamamahinga”.
Yes, Bossing DMB, nabago na ang lifestyle ng hinahangaan nating broadcast journalist. Lalo nang hindi uso sa kanya ang holidays.
Nitong nakaraang Pasko at Bagong Taon kasi ay sa Mindoro nagdiwang ang mag-asawa. Matatandaan na ang naturang island province ang tinamaan nang husto ng bagyong ‘Nona’ kaya ang mga tagaroon ang binigyan nila ng panahon, at para alamin na rin ang sitwasyon ng mga biktima ng bagyo.
