NAGING masagana at makulay ang taong 2015 na sasariwain ng ABS-CBN Sports sa Huwebes (December 31) at Biyernes (January 1). Babalikan ng ABS-CBN Sports ang lahat ng aksiyong naganap sa year-end special na Trending #Galing: 2015 Sports Year Ender na mapapanood sa ABS-CBN Sports + Action simula 10 PM. Itatampok sa special na ito ang tambalang Benjie Paras, na isa sa mga anchor ng NBA sa Dos at ng former women’s volleyball hotshot ng Ateneo na si Gretchen Ho.
Babalikan ang mga tagumpay ng Pinoy boxing heroes tulad ng pagbabalik sa kampeonato ng reigning IBO Superbantamweight champion na si Nonito Donaire, at ang patuloy na pagsikat ng hindi pa natatalong si Prince Albert Pagara ng ALA Gym. Hindi rin dapat kalimutan ang isang taon na namang naidagdag sa pamamayagpag ni Donnie “Ahas” Nietes sa Featherweight division ng boksing at ang pagkilala sa kanya ng tinaguriang bibliya ng boksing na Ring Magazine.
At sino nga ba ang makakalimot sa pinakamalaking laban ng taon? Babalikan din ng special ang tinaguriang “Fight of the Century” na kinatampukan nina Manny Pacquiao at Floyd Mayweather, Jr. Muling sariwain ang kuwento ng UAAP champions FEU Tamaraws at NCAA champions Colegio de San Juan de Letran Knights sa kanilang pagtapos sa 10-year title drought nang manalo sa kani-kanilang ligang kinabibilangan.
Panoorin muli ang makapigil-hiningang bakbakan ng Golden State Warriors at ng Cleveland Cavaliers sa nakaraang NBA Finals kung saan naging usap-usapan din ang pagbabalik ni LeBron James sa kanyang unang koponan. Hindi rin pahuhuli si Fil-Australian Jason Day na nagkampeon sa PGA Tour. Nariyan din ang napakagandang laban ng dating UFC Women’s Champ Ronda Rousey, kasama na ang kanyang brutal na knockout loss sa dating women’s boxing star na si Holly Holm.
Doc Willie Ong, napatawad na ba mga bagets na nam-bash sa kaniya noon?
Hindi rin makakalimutan ng marami ang pagiging one-punch man ni Connor McGregor nang tapusin niya ang paghahari ni Jose Aldo, Jr. sa Featherweight division ng UFC, at ni minsan ay hindi pa natalo sa loob ng isang dekada. Tutok na sa 2-part special “Trending #Galing: 2015 Sports Year Ender na iho-host nina Benjie Paras and Gretchen Ho sa ABS-CBN Sports + Action bukas at sa Biyernes (January 1).
