ILOILO CITY – Naaresto ang anak na lalaki ni Concepcion, Iloilo Vice Mayor Elizabeth “Betsy” Salcedo dahil sa pagbebenta ng ilegal na droga.
Kinilala ni Supt. Moises Villaceranm Jr., tagapagsalita ng Police Regional Office (PRO)-6, ang naaresto an si Sibulon Pike Salcedo, 46 anyos.
Sinabi ni Inspector Jonathan Pinuela na nakumpiskahan si Salcedo ng dalawang sachet ng hinihinalang shabu at iba’t ibang drug paraphernalia.
“Si Salcedo ang number 1 target drug personality ng Concepcion, at matagal na namin siyang mino-monitor sa pagkakasangkot sa bentahan ng illegal drugs,” ani Villaceran.
Probinsya
6 dayuhang nagsasagawa ng medical mission sa Leyte, ninakawan!
Kakasuhan ang anak ng bise alkalde sa paglabag sa RA 9165 o Comprehensive Dangerous Drugs Act of 2002.
Dagdag pa ni Villaceran, ang pagdakip sa mga drug personality sa lalawigan ang isa sa mga prioridad ni Supt. Roderick Augustus Alba, bagong talagang director ng Iloilo Police Provincial Office (IPPO). (Tara Yap)
